Friday, February 14, 2025

Top 5 This Week

Related Posts

FC BARCELONA IGIYE IZAKINA UMUKINO WA EL CLASSICO ITAMBAYE SPORTIFY, IMPAMVU YABYO IRATANGAJE

Spread the love

Ku mukino ikipe ya FC Barcelona izakinamo n’ikipe ya Real Madrid tariki 28 Ukwakira 2023 kuri Lluis Companys Stadium izakina itambaye umuterankunga wayo mukuru “Sportify” ku mpuzankano yayo nk’uko bisanzwe ahubwo izaba yambayeho ikirango (Logo) k’itsinda ry’umuziki rya Rolling Stones ryo mu Bwongereza.

Ibi byamaze kwemezwa n’impande zose yaba ikipe ya FC Barcelona, umuterankunga Spotify n’itsinda ry’umuziki rya Rolling Stones. Ibi bikaba bizakorwa mu kwishimira umuzingo w’indirombo (Album) itsinda rya Rolling Stones rizasohora tariki ya 20 Ugushyingo 2023 bityo ngo ni ikimenyetso cy’uko iri tsinda naryo ari iryo ku rwego rwo hejuru “Clasico” ari naryo zina uyu mukino uhuza FC Barcelona na Real Madrid witirirwa, indi mpamvu nyamukuru ni uko iri tsinda ry’umuziki ari abafana bakomeye b’ikipe ya FC Barcelona bityo ngo ni no mu rwego rwo kwifatanya n’abafana.

Rolling Stones ni itsinda ry’abanyamuziki ryo mu Bwongereza riririmba injyana ya rock ryari rigizwe n’abahanzi 5 gusa kuri ubu bakaba basigaye ari 3 bonyine ni Mick Jagger, Keith Richards na Ronnie Woood. Album bagiye gusohora bayise “Hackney Diamonds” ikaba ari iya mbere bakoze kuva muri 2005.

Ikirango kiranga iri tsinda rya Rolling Stones kikaba ari “ururimi rwasohotse mu kanwa” Si ku mukino wa Real Madrid ikipe ya FC Barcelona izambara jersey iriho logo ya Rolling Stones gusa kuko iyi logo izanagaragara kuri jersey ya FC Barcelona y’abari n’abategarugori ubwo izaba ikina na FC Sevilla muri shampiyona ya Espagne y’abari n’abategarugori tariki ya 5 Ugushyingo 2023 kuri Johan Cryuff Stadium.

LEAVE A REPLY

Please enter your comment!
Please enter your name here

Popular Articles