Monday, May 27, 2024

Top 5 This Week

Related Posts

Abakinnyi 10 ba ruhago batwaye ibikombe byinshi mu mateka

Spread the love

Gutwara igikombe icyo ari cyo cyose ni kimwe mu bintu biranga umukinnyi wabaye ukomeye mu mateka y’umupira w’amaguru.

Niba ujya ukurikira amakuru avuga imikino uzumva abantu banenga cyangwa baserereza Harry Kane ko atigeze atwara igikombe icyo ari cyo cyose gikomeye mu mateka ye, ibi bintu byatumye uyu rutahizamu w’umwongereza ajya gukinira Bayern Munich avuye muri Tottenham Hospurs ngo arebe ko yazatwara igikombe gikomeye.

Abakinnyi bagenda barutanwa mu kugira ibikombe byinshi batwaye ahanini ibi biterwa no kuba barakinnye mu makipe akomeye cyangwa se baramaze imyaka myinshi bakina ku rwego rwo hejuru.

Abakinnyi 10 batwaye ibikombe byinshi mu mateka ya ruhago nk’uko tubikesha urubuga rwa FIFA Com n’ikinyamakuru The Sun:

10. Sir Kenny Dalglish, ibikombe 35

Uyu musaza ukomoka muri Scotland yabaye umukinnyi ukomeye wa Liverpool mu Bwongereza na Celtic y’uwabo. Kenny yatwaye ibikombe 35 ubwo yakinaga ruhago.

9. Cristiano Ronaldo, ibikombe 35

Cristiano Ronaldo uheruka gutwara Igikombe muri Al Nassr ikina Shampiyona y’Ikiciro cya Mbere muri Saudi Arabia.

Cristiano Ronaldo w’imyaka 38 y’amavuko, uyu munya-Portugal usigaye ukinira ikipe ya Al Nassr muri Arabia Saudite amaze gutwara ibikombe 35 birimo Champions League 5, ibikombe bya shampiyona ya Espagne, u Butariyani n’u Bwongereza ndetse n’igikombe gihuza amakipe yo mu Barabu aheruka gutwara muri Al Nassr.

8.Ryan Giggs, ibikombe 36.

Uyu mukinnyi ukomoka muri Wales yakiniye Manchester United imyaka 24 ahatwara ibikombe byinshi harimo n’ibikombe 13 bya Premier League.

7. Sergio Busquets, ibikombe 36

Sergio Busquets wakiniye ikipe ya FC Barcelona imyaka myinshi nyuma akerekeza muri Inter Miami, uyu mukinnyi ukomoka muri Espagne yatwaye ibikombe 36 harimo ibikombe 32 yatwaye muri FC Barcelona, ibikombe 3 yatwaye mu ikipe y’Igihugu ndetse n’igikombe kimwe yatwaye muri Inter Miami.

6. Gerard Pique, bikombe 37

Gerard Pique uherutse gusezera ruhago muri 2022, yarakiniye amakipe arimo Manchester United na Barcelona n’ikipe ya Espagne yatwaye ibikombe 37 mu buzima bwe bwa ruhago.

5. Andres Iniesta ibikombe,37

Andres Iniesta ufatwa nk’umukinnyi mwiza ukina hagati w’ikinyejana cya 21, uyu mugabo wamaze imyaka 16 akinira FC Barcelona yahatwariye ibikombe birimo Champions league 4, La Liga 9 ndetse n’ibindi.

4. Maxwell

Umunya Brazil Maxwell yatwaye ibikombe 37 ubwo yacongaga ruhago.

Maxwell Scherrer Cabelino Andrade, Umunya-Brazil wabiciye bigacika hagati ya 2000 na 2017, yatwaye ibikombe 37 harimo ibikombe yatwaye muri Ajax, Inter Milan, Barcelona na Paris Saint-Germain aho yatwaye ibikombe 14 mu myaka 5.

3. Hossam Ashour, ibikombe 39

Hossam Ashour ukomoka mu Misiri, ni umwe mu bakinnyi batwaye ibikombe byinshi mu mateka ya ruhago, mu myaka 17 yakiniye Al-Ahly mu Misiri yahatwariye ibikombe 39 birimo 14 bya Shampiyona, Super Cup 10 n’ibindi.

2. Dani Alvez, ibikombe 44

Dani Alvez Umunya-Brazil wabaye umukinnyi ukomeye wakinaga nka myugariro wo ku ruhande. Uyu mukinnyi w’imyaka 40 yatwaye ibikombe 44 ndetse ninawe wabigezeho bwa mbere. Ibikombe bya Dani Alvez birimo ibikombe yatwaye muri Bahia na Sao Paulo z’iwabo, Sevilla na Barcelona zo muri Espagne, Juventus mu Butariyani na PSG mu Bufaransa.

1. Lionel Messi

Uyu rutahizamu w’ikipe y’igihugu ya Argentina na Inter Miami muri Leta Zunze Ubumwe za Amerika amaze gutwara ibikombe 44.

Ibikombe 10 bya Shampiyona ya Espagne (La Liga) , Ibikombe 4 bya Champions League , ibikombe 7 by’ Umwami (Copa Del Reys), Super Cup umunani za Espagne, Ibikombe 3 by’Isi by’amakipe, UEFA Super Cup 3, Igikombe cy’Isi kimwe, Igikombe 1 cyitwa Finallissima, Igikombe kimwe cya Amerika y’Epfo( Copa America), Umudari wa zahabu 1 Olympic, Igikombe cy’Isi kimwe mu batarengeje imyaka 20, Ibikombe bibiri bya Shampiyona y’u Bufaransa, Igikombe kimwe cy’igihugu mu Bufaransa n’igikombe kimwe muri Inter Miami.

Lionel Messi uheruka gutwara Igikombe cya 44 muri Inter Miami.

LEAVE A REPLY

Please enter your comment!
Please enter your name here

Popular Articles