Côte d’Ivoire yanditse amateka yo kurenga amatsinda mu Gikombe cy’Isi ku nshuro ya mbere

Ikipe y’Igihugu ya Côte d’Ivoire, Les Éléphants, yanditse amateka mashya mu Gikombe cy’Isi cya 2026 nyuma yo kubona itike yo gukomeza mu mikino yo gukuranwamo ku nshuro ya mbere mu mateka yayo. Uru rugendo rwo kwandika amateka rwatangiye Côte d’Ivoire itsinda Ecuador igitego 1-0 mu mukino wa mbere wo mu Itsinda E. Mu mukino wa kabiri, Les Éléphants yaje gutsindwa n’u Budage ibitego 2-1, ariko yongera kwisuganya mu mukino wa nyuma w’amatsinda itsinda Curaçao ibitego 2-0. Muri uwo mukino, Nicolas Pépé yafunguye amazamu ku munota wa karindwi nyuma yo kubyaza umusaruro umupira yari ahawe na Yan

Ikipe y’Igihugu ya Côte d’Ivoire, Les Éléphants, yanditse amateka mashya mu Gikombe cy’Isi cya 2026 nyuma yo kubona itike yo gukomeza mu mikino yo gukuranwamo ku nshuro ya mbere mu mateka yayo. Uru rugendo rwo kwandika amateka rwatangiye Côte d’Ivoire itsinda Ecuador igitego 1-0 mu mukino wa mbere wo mu Itsinda E. Mu mukino wa kabiri, Les Éléphants yaje gutsindwa n’u Budage ibitego 2-1, ariko yongera kwisuganya mu mukino wa nyuma w’amatsinda itsinda Curaçao ibitego 2-0. Muri uwo mukino, Nicolas Pépé yafunguye amazamu ku munota wa karindwi nyuma yo kubyaza umusaruro umupira yari ahawe na Yan Diomandé, mbere y’uko yongera gutsinda igitego cya kabiri ku munota wa 64 nyuma y’umupira mwiza wa Ibrahim Sangaré. Iyi ntsinzi yahesheje Côte d’Ivoire amanota atandatu, iyifasha kurangiza imikino y’amatsinda ibonye itike yo gukomeza mu mikino yo gukuranwamo bwa mbere mu mateka yayo. Ni intambwe ikomeye kuri Les Éléphants nyuma yo kwitabira Igikombe cy’Isi mu 2006, 2010 na 2014 ariko itarigeze irenga amatsinda. Nyuma yo kwandika aya mateka, Côte d’Ivoire itegereje kuzahura na France cyangwa Norway, ikipe izaba yabaye iya kabiri mu Itsinda I, mu mikino yo gukuranwamo wa 1/32 w’Igikombe cy’Isi cya 2026.

"Stade ya Philadelphia, imwe mu ziri kwakira imikino y’Igikombe cy’Isi cya 2026, ifite ubushobozi bwo kwakira abafana 68,324 mu mikino ya FIFA. Ni yo yakiriye umukino Côte d’Ivoire yatsinzemo Curaçao ibitego 2-0."