Elliot Anderson yabaye umukinnyi uhenze kurusha abandi mu mateka ya Man City

Ikipe ya Manchester City yamaze kumvikana na Nottingham Forest ku igurwa ry’umukinnyi wo hagati w’Umwongereza, Elliot Anderson, mu masezerano y’amateka afite agaciro ka miliyoni 116 z’ama-pound ($155M). Iri gura rigiye gutuma uyu musore w’imyaka 23 aba umukinnyi uhenze kurusha abandi bose Manchester City yigeze kugura, arusha Jack Grealish waguzwe miliyoni 100 z’ama-pound mu 2021 avuye muri Aston Villa. Ku myaka 23 gusa, Anderson agiye kwerekeza muri Manchester City nyuma y’igihe yitwaye neza muri Nottingham Forest, aho yagaragaje urwego rwo hejuru rwatumye ahamagarwa mu Ikipe y’Igihugu y’Ub

Ikipe ya Manchester City yamaze kumvikana na Nottingham Forest ku igurwa ry’umukinnyi wo hagati w’Umwongereza, Elliot Anderson, mu masezerano y’amateka afite agaciro ka miliyoni 116 z’ama-pound ($155M). Iri gura rigiye gutuma uyu musore w’imyaka 23 aba umukinnyi uhenze kurusha abandi bose Manchester City yigeze kugura, arusha Jack Grealish waguzwe miliyoni 100 z’ama-pound mu 2021 avuye muri Aston Villa. Ku myaka 23 gusa, Anderson agiye kwerekeza muri Manchester City nyuma y’igihe yitwaye neza muri Nottingham Forest, aho yagaragaje urwego rwo hejuru rwatumye ahamagarwa mu Ikipe y’Igihugu y’Ubwongereza. Kuri ubu, ari kumwe n’Ikipe y’Igihugu y’Ubwongereza iri mu mikino y’Igikombe cy’Isi cya 2026 kiri kubera muri Leta Zunze Ubumwe za Amerika, Canada na Mexique. Amakuru avuga ko yamaze gukorera isuzuma ry’ubuzima (medical) i Kansas City, aho ikipe y’igihugu icumbitse. Itangazo rya Manchester City rivuga ko amasezerano hagati y’amakipe yombi yamaze kurangira, ndetse n’ibijyanye n’umukinnyi bikaba byarangiye. Gusa, biteganyijwe ko Anderson azerekanwa ku mugaragaro nyuma y’isozwa ry’Igikombe cy’Isi. Iri gurwa rinagaragaza isura nshya y’isoko ry’abakinnyi, aho abakina mu kibuga hagati bakomeje kugurwa amafaranga menshi, nk’uko byagaragaye kuri Declan Rice na Enzo Fernández mu myaka ishize. Nottingham Forest yo yemeje ko iri gurisha ari ryo rinini mu mateka yayo, rikazayifasha mu mishinga yo kongera kubaka ikipe no kubahiriza amategeko agenga imari mu mupira w’amaguru (Financial Fair Play). Biteganyijwe ko Elliot Anderson azagera i Manchester mu mpera z’uku kwezi kwa Nyakanga, aho azahita atangira imyiteguro y’umwaka mushya w’imikino wa 2026/2027.