Gor Mahia iburije amahoro APR FC muri Stade Amahoro, iyinyagira ibitego 5-0

APR FC yatangiye nabi CECAFA Kagame Cup 2026 nyuma yo kunyagirirwa na Gor Mahia FC yo muri Kenya ibitego 5-0 mu mukino wabereye kuri Stade Amahoro i Kigali ku mugoroba wo kuri uyu wa Gatanu. Uyu mukino wari uwo gufungura iri rushanwa ku ruhande rwa APR FC, watangiye ikipe y'Ingabo z'Igihugu yiharira umupira ndetse igaragaza ubushake bwo gushaka igitego hakiri kare. Djibril Ouattara, Byiringiro Gilbert na William Togui bagerageje gusatira izamu rya Gor Mahia, ariko amahirwe babonye ntiyabyaye umusaruro. Gor Mahia yafunguye amazamu ku munota wa 32, Mike Evans Kibwage atsinda n'umutwe nyuma ya

APR FC yatangiye nabi CECAFA Kagame Cup 2026 nyuma yo kunyagirirwa na Gor Mahia FC yo muri Kenya ibitego 5-0 mu mukino wabereye kuri Stade Amahoro i Kigali ku mugoroba wo kuri uyu wa Gatanu. Uyu mukino wari uwo gufungura iri rushanwa ku ruhande rwa APR FC, watangiye ikipe y'Ingabo z'Igihugu yiharira umupira ndetse igaragaza ubushake bwo gushaka igitego hakiri kare. Djibril Ouattara, Byiringiro Gilbert na William Togui bagerageje gusatira izamu rya Gor Mahia, ariko amahirwe babonye ntiyabyaye umusaruro. Gor Mahia yafunguye amazamu ku munota wa 32, Mike Evans Kibwage atsinda n'umutwe nyuma ya koruneri yari itewe neza. Nyuma y'iminota ibiri gusa, Ariste Patrick Ekandjoum Essombe yikubye kabiri ibitego ku ishoti rikomeye yateye ari inyuma y'urubuga rw'amahina, bituma igice cya mbere kirangira APR FC iri inyuma n'ibitego 2-0. Mu gice cya kabiri, APR FC yakoze impinduka zitandukanye ishaka kugaruka mu mukino, ariko Gor Mahia yakomeje kuyirusha mu mpande zose. Paul Okoth Odhiambo yatsinze igitego cya gatatu ku munota wa 63, mbere y'uko Lesley Otieno Owino atsinda icya kane ku munota wa 79 nyuma y'igitero cyiza cyubatswe na Sariff Sabuni Sirengo. Mu minota ya nyuma y'umukino, Ebenezer Assifuah yashyizeho akadomo atsinda igitego cya gatanu ku munota wa 87, ashimangira intsinzi ikomeye ya Gor Mahia imbere y'abafana bari bateraniye muri Stade Amahoro. Uyu mukino wagaragaje ubusumbane bugaragara hagati y'impande zombi, aho Gor Mahia yigaragaje nk'ikipe iteguye neza haba mu bwugarizi, hagati no mu busatirizi, mu gihe APR FC yananiwe kubyaza umusaruro amahirwe make yabonye ndetse inakora amakosa menshi mu bwugarizi. Perezida Paul Kagame yitabiriye uyu mukino wo gufungura CECAFA Kagame Cup 2026, irushanwa akomeje gutera inkunga kuva mu 2002. Mbere y'uyu mukino, Vipers SC yo muri Uganda yari yatsinze Garde Républicaine FC yo muri Djibouti ibitego 3-0. Nyuma y'iyi ntsinzi, Gor Mahia ihise ifata amanota atatu y'ingenzi mu Itsinda A, mu gihe APR FC isabwa kwisubiraho no kwitwara neza mu mikino yayo itaha niba ishaka gukomeza muri CECAFA Kagame Cup 2026.