Kwizera Olivier n' umushyitsi mukuru mu gitaramo

Umukinnyi w'umupira w'amaguru Kwizera Olivier azitabira igitaramo cya GEN-Z Comedy Show Kigali nk'umushyitsi wihariye, mu gikorwa kizabera muri Camp Kigali kuri uyu wa Kane guhera saa kumi n'ebyiri z'umugoroba, nk'uko bigaragara ku makuru yatangajwe n'abateguye icyo gitaramo. GEN-Z Comedy Show Kigali ni igitaramo kigamije guhuza abakunzi b'imyidagaduro binyuze mu bikorwa by'urwenya n'ubusabane. ku mafoto yamamaza iki gikorwa igaragaza Kwizera Olivier nk'umushyitsi wihariye, ibintu byatumye benshi mu bakunzi ba siporo n'imyidagaduro bagaragaza ubushake bwo kuzacyitabira. Iki gitaramo kizabera muri Camp Kigali, aho abacyitabira bazinjira bishyuye amafaranga y'u Rwanda 5,000 ku itike isanzwe, 10,000 ku itike ya VIP na 20,000 ku itike ya VVIP. Abateguye GEN-Z Comedy Show Kigali bavuga ko iki gikorwa kigamije gutanga umwanya wo kwidagadura no guhuza abantu bafite inyungu zitandukanye mu rwego rwo guteza imbere imyidagaduro. Iki gitaramo kiri mu bikorwa by'imyidagaduro biteganyijwe kubera mu Mujyi wa Kigali muri iki gihe, kikaba gitegerejwe n'abakunzi b'urwenya, siporo n'ubundi buryo bw'imyidagaduro.