Mu gihe uruganda rwa sinema nyarwanda rukomeje gutera intambwe ishimishije mu bijyanye n’ubuhanga bw’amashusho n’ubutumwa bugera kure, hasohotse serie nshya yitwa “Ndengera”. Iyi filime itunganywa na Hobe Movie, itandukanye n’izindi kuko yibanda ku nsanganyamatsiko ikunze kwirengagizwa: ihohoterwa rishingiye ku marangamutima n’imitekerereze, iribera mu miryango. Icy’ingenzi gituma “Ndengera” ifatwa nk’umushinga udasanzwe ni uko ari yo filime ya mbere igaragaramo umukinnyi w’icyamamare Kalisa Ernest uzwi nka Samusure, nyuma y’igihe kinini yari amaze ari muri Mozambique. Kugaruka kwe muri filim

Mu gihe uruganda rwa sinema nyarwanda rukomeje gutera intambwe ishimishije mu bijyanye n’ubuhanga bw’amashusho n’ubutumwa bugera kure, hasohotse serie nshya yitwa “Ndengera”. Iyi filime itunganywa na Hobe Movie, itandukanye n’izindi kuko yibanda ku nsanganyamatsiko ikunze kwirengagizwa: ihohoterwa rishingiye ku marangamutima n’imitekerereze, iribera mu miryango. Icy’ingenzi gituma “Ndengera” ifatwa nk’umushinga udasanzwe ni uko ari yo filime ya mbere igaragaramo umukinnyi w’icyamamare Kalisa Ernest uzwi nka Samusure, nyuma y’igihe kinini yari amaze ari muri Mozambique. Kugaruka kwe muri filime nyarwanda  byakiriwe neza n’abakunzi ba sinema.

Muri iyi serie kandi, Samusure akinana n’undi mukinnyi umaze kumenyekana mu makinamico atandukanye, Sadiki Kagenzi, wamamaye muri filime nka “Icyumba Cyange” na “Isezerano ry’Ikinyoma”. Azwiho ubushobozi bwo kwinjira neza mu nshingano ze (character) ku buryo akora ku mitima y’abareba.

Iyi serie yateguwe na Juliette Mutamba mu gihe iyobowe na Director SINGIZWA OLIVIER, umwe mu banyamwuga bakomeje kwitwara neza mu ruganda rwa sinema nyarwanda. Ubufatanye bwabo bwatanze umusaruro mu gutegura inkuru ikora ku marangamutima, igaragaza ukuri kw’ihohoterwa rikorerwa mu ngo ariko rikaba rikunze kuguma mu bwiru. “Ndengera” igaruka ku buzima bw’umugore uba mu rugo rugaragara nk’uruzira amakemwa imbere y’abandi, ariko mu by’ukuri akaba ba mu agahinda n’ihohoterwa. Umugabo we agaragara nk’umunyabwenge n’umunyakuri mu maso y’inshuti n’abaturanyi, ariko iyo bageze mu rugo agahinduka undi muntu utandukanye n’uwo bose bazi. Iyi filime isobanura neza ko ihohoterwa ritagarukira ku gukubitwa gusa. Igaragaza uburyo amagambo asesereza, agasuzuguro, n’igitutu gikabije bishobora gukomeretsa umutima kurusha inkoni. Uwo mugore aba mu buzima bw’imbere bwuzuye intimba, akabibika kugeza ubwo bishobora kumugiraho ingaruka zikomeye mu mitekerereze. Juliette Mutamba, umwe mu bateguye uyu mushinga, avuga ko gutunganya “Ndengera” bitari byoroshye. Yagaragaje ko bahuye n’imbogamizi zitandukanye zirimo amikoro make, ikibazo cyo kubona abafatanyabikorwa, ndetse no kubona ahantu hakwiye ho gukorera amashusho ahuye n’amarangamutima y’inkuru. Yagize ati: “Gukora filime yibanda ku buzima bwo mu mutwe n’ihohoterwa ryo mu marangamutima bisaba ubwitonzi bwinshi. Hari igihe kubona aho dukorera amashusho biba ikibazo, ariko twakomeje kubera uburemere bw’ubutumwa twashakaga kugeza ku bantu.” Ubutumwa ku muryango nyarwanda Uretse kuba ari igihangano cy’imyidagaduro, “Ndengera” ni n’ijwi ry’abafite ibibazo bihishe mu ngo zabo. Ishishikariza abagore n’abagabo bari mu mibanire ibabangamira kumenya hakiri kare ibimenyetso by’ihohoterwa, no gushaka ubufasha mbere y’uko ribasenyera burundu mu mitekerereze n’ubuzima muri rusange. Niba ukunda sinema nyarwanda ishingiye ku buzima busanzwe n’ubutumwa bukomeye, “Ndengera” ni serie utagomba gucikwa. Ni umushinga uhuza impano, ubunararibonye n’isomo rikomeye ry’ubuzima.

A little more informed. A little more connected.