Ikipe y’abatwara amagare Benediction Banafrica Team yerekeje muri Cameroun aho igiye kwitabira isiganwa mpuzamahanga rya Tour du Cameroun 2026, riteganyijwe kuva tariki ya 3 kugeza ku ya 14 Kamena 2026. Iri siganwa rigiye gukinwa ku nshuro ya 22 rizahuza amakipe atandukanye yo muri Afurika n’u Burayi, rikaba rifatwa nk’arimwe mu marushanwa akomeye y’umukino wo gusiganwa ku magare ku mugabane wa Afurika. Benediction Banafrica Team izaserukirwa n’abakinnyi batanu, barimo batatu bo mu cyiciro cy’abakuru , ari bo Mugisha Moïse , Mike Uwuduhaye na Masengesho , ndetse n’abakinnyi babiri bo mu cyici

Ikipe y’abatwara amagare Benediction Banafrica Team yerekeje muri Cameroun aho igiye kwitabira isiganwa mpuzamahanga rya Tour du Cameroun 2026, riteganyijwe kuva tariki ya 3 kugeza ku ya 14 Kamena 2026.

Iri siganwa rigiye gukinwa ku nshuro ya 22 rizahuza amakipe atandukanye yo muri Afurika n’u Burayi, rikaba rifatwa nk’arimwe mu marushanwa akomeye y’umukino wo gusiganwa ku magare ku mugabane wa Afurika.

Benediction Banafrica Team izaserukirwa n’abakinnyi batanu, barimo batatu bo mu cyiciro cy’abakuru, ari bo Mugisha Moïse, Mike Uwuduhaye na Masengesho, ndetse n’abakinnyi babiri bo mu cyiciro cy’abatarengeje imyaka 23, ari bo Uhiriwe na Phocus.

U Rwanda ni rumwe mu bihugu byatumiwe muri iri rushanwa hamwe na Burkina Faso, Marocco, Côte d’Ivoire, Algeria na Repubulika Iharanira Demokarasi ya Congo, na Cameroon izakira mu gihe andi makipe abiri yo mu Burayi azaturuka mu Buholandi no mu Budage. Benediction Banafrica Team igiye muri Cameroon ifite intego yo gukomeza kuzamura ibendera ry’u Rwanda no kwerekana urwego rwiza rw’abatwara amagare b’Abanyarwanda mu marushanwa mpuzamahanga. Abagize iyi kipe bifurijwe urugendo rwiza n’intsinzi muri iri rushanwa, mu gihe abakunzi b’umukino w’amagare bazaba bahanze amaso uko bazitwara imbere y’amakipe akomeye. Ubuyobozi bw’ikipe bwashimiye Ishyirahamwe ry’Umukino w’Amagare mu Rwanda (FERWACY) na Minisiteri ya Siporo ku nkunga bikomeje gutanga mu guteza imbere umukino w’amagare no gufasha abakinnyi b’Abanyarwanda guhatana ku rwego mpuzamahanga.  

A little more informed. A little more connected.