Umunya-Demark Jonas Vingegaard yatangiye neza urugendo rwo guhatanira kwegukana Tour de France 2026, nyuma yo gutsinda agace ka mbere kari gakiniwe mu mujyi wa Barcelona muri Espagne, ahita yambara umwambaro w'umuhondo uhabwa uyoboye isiganwa. Vingegaard wigeze kwegukana iri siganwa mu 2022 na 2023, yarushije amasegonda 12 mukeba we ukomeye, Tadej Pogačar wo muri Slovenia, wegukanye Tour de France inshuro enye zirimo ebyiri ziheruka. Ni ubwa mbere mu myaka itatu yongeye kwambara umwambaro w'umuhondo. Uyu mukinnyi w'imyaka 29 yashimiye cyane bagenzi be bo mu ikipe ya Visma-Lease a Bike, avuga

Umunya-Demark Jonas Vingegaard yatangiye neza urugendo rwo guhatanira kwegukana Tour de France 2026, nyuma yo gutsinda agace ka mbere kari gakiniwe mu mujyi wa Barcelona muri Espagne, ahita yambara umwambaro w'umuhondo uhabwa uyoboye isiganwa. Vingegaard wigeze kwegukana iri siganwa mu 2022 na 2023, yarushije amasegonda 12 mukeba we ukomeye, Tadej Pogačar wo muri Slovenia, wegukanye Tour de France inshuro enye zirimo ebyiri ziheruka. Ni ubwa mbere mu myaka itatu yongeye kwambara umwambaro w'umuhondo. Uyu mukinnyi w'imyaka 29 yashimiye cyane bagenzi be bo mu ikipe ya Visma-Lease a Bike, avuga ko bamufashije kuva isiganwa ritangira kugeza arangije, bituma yegukana intsinzi ndetse anayobora urutonde rusange. Umutaliyani Filippo Ganna yasoje ku mwanya wa kabiri nyuma yo gufasha ikipe ya Netcompany-Ineos, mu gihe Pogačar yabaye uwa gatatu. Abandi bakinnyi bagaragaje urwego rwiza barimo Mathieu van der Poel, Romain Grégoire na Juan Ayuso, naho Umufaransa w'imyaka 19 Paul Seixas, uri gukina Tour de France bwa mbere, yasoje ku mwanya wa 10 arushwa amasegonda 39 na Vingegaard. Isiganwa rikomeza kuri iki Cyumweru hakinwa agace ka kabiri, kazava i Tarragona kerekeza i Barcelona, ku ntera ya kilometero 169, kagizwe ahanini n’inzira z'imisozi.

A little more informed. A little more connected.