Monday, May 20, 2024

Top 5 This Week

Related Posts

Ahazaza ha Marcus Rashford i Manchester hasobanutse

Spread the love

Marcus Rashford umwongereza w’imyaka 25 y’amavuko ukina nka rutahizamu muri Manchester United yamaze kongera imyaka 5 muri iyi kipe nk’umukinnyi wayo.

Marcus Rashford wageze mu ikipe ya Manchester United kuva afite imyaka 7 y’amavuko yaje kuzamurwa mu ikipe nkuru muri 2016.

Rashford yafashije Manchester United kuko yaje mu gihe Wayne Rooney wakinaga nka rutahizamu yaramaze gusaza.

Ikipe ya Manchester United ibinyujije ku mbuga nkoranyambaga zayo yatangaje ko yongereye amasezerano Rashford azageza ku tariki 30 Nyakanga 2028, akazajya ahebwa £ 37,5000 ku Cyumweru, bimugira umwe mu bahembwa menshi muri iyi kipe.

Marcus Rashford umaze gukinira Manchester United imikino 359 agatsinda ibitego 123. Aganira na Televisiyo ya Manchester yavuze ko yishimiye kuba yongereye amasezerano muri iyi kipe yabayemo kuva afite imyaka 7.

Ati” Nageze muri Manchester United mfite imyaka irindwi. Urukundo, Icyubahiro no kwiyemeza nibyo byatumye nkomeza kwambara umupira w’iyi kipe ikomeye ku Isi.”

Marcus Rashford wongereye amasezerano muri Manchester United.

Rashford yitezweho byinshi muri uyu mwaka w’imikino nyuma y’uko umwaka ushize yatsinze ibitego 30.

LEAVE A REPLY

Please enter your comment!
Please enter your name here

Popular Articles