Antony Matheus dos Santos , Umunya-Brazil akaba na rutahizamu wa Manchester United mu Bwongereza arashinjwa ihohoterwa bivugwa ko yarikoreye umukobwa bakundanye.
Ikinyamakuru kitwa Ge Globo cyo muri Brazil , ku munsi wejo cyanditse ko umukobwa witwa Gabriela Cavallin, wigeze gukundana na Antony,yamaze gutanga ikirego mu nzego z’umutekano za Brazil aho ashinja uyu mukinnyi ihohotera ndetse n’iterabwoba.
Gabriela Cavallin ashinja Antony ko ku itariki 20 Gicurasi , yamwandikiye ubutumwa bwo ku mutera ubwoba ndetse aranamukubita.
Mu bimenyetso uyu mukobwa yatanze yashiyezo amafoto agaragaza ibikomere yatewe na Antony, ubutumwa b’umukanga ndetse n’ibindi.
Igikomeje guteza urujijo n’uko kuri iyo tariki 20 Gicurasi, Antony yari mu mukino Manchester United yatsinze AFC Bournemouth igitego kimwe ku busa. Ariko ku rundi ruhande bikavugwa ko umukino urangiye yahise yerekeza muri Brazil.
Gabriela Cavallin ushinja Antony ihohotera