Ishyirahamwe ry’umupira w’amaguru mu Rwanda (FERWAFA) ryasohoye ingengabihe y’umwaka w’imikino mu mupira w’amaguru wa 2023-2024.
Umwaka w’imikino mu mupira w’amaguru mu Rwanda wa 2022-2022 warangiye kuko amakipe yatwaye ibikombe yaramenyekanye, yaba iyatwaye Igikombe cya shampiyona ariyo APR FC ndetse n’ikipe yatwaye Igikombe cy’Amahoro ariyo Rayon Sports.
Ntibikiri inkuru Kandi ko mu kiciro cya mbere mu mupira w’amaguru ikipe ya Espoir FC na Rutsiro FC zamaze kumanuka mu cyiciro cya 2 , naho Amagaju FC na Etiole zikazamuka mu kiciro cya mbere.
Abakunzi ba ruhago bifuzaga kumenya igihe umwaka w’imikino utaha uzasubikirwa maze FERWAFA nayo ijya ku mbuga nkoranyambaga zayo itangaza ingengabihe y’umwaka w’imikino utaha.
FERWAFA yatangaje ko umwaka w’imikino 2023-2024 uzafugurwa n’umukino wa Super Cup uzakinwa tariki ya 12/8/2023, ugahuza APR FC na Rayon Sports.
FERWAFA yatangaje ko shampiyona 2023/2024 izatangira tariki ya 18/8/2023 isozwe tariki ya 2/6/2024.
FERWAFA yatangaje ko Isoko ry’abakinnyi ryo ryatangiye kuri uyu wa Mbere tariki ya 12/6/2023 rizafungwe tariki 28/8/2023. Isoko rito rizafungurwa tariki ya 26/12/2023 rifungwe 27/1/2024.
Rayon Sports niyo yegukanye Igikombe cy’Amahoro
APR FC niyo yegukanye igikombe cya shampiyona 2022-2023
Ingengabihe y’umwaka w’imikino 2023-2024.