Sunday, May 19, 2024

Top 5 This Week

Related Posts

Ibitego 5 byatsinzwe kare mu mateka ya Premier League

Spread the love

Niba ukunda umupira w’amaguru cyane cyane uw’i Burayi, impera z’icyumweru ntizashira utarebye shampiyona y’ikiciro cya mbere mu Bwongereza (Premier League). Iyi shampiyona ifatwa nk’iya mbere mbere mu gukomera bitewe n’uburyo habamo gutungurana cyangwa se uburyo kubona amanota bigorana ugasanga ikipe ya mbere itsinzwe n’ikipe iri mu zimanuka.

Uyu munsi ntitwaje kuvuga ku bukomere n’ubukaka bwa Premier League ahubwo twaje kugaruka ku bitego 5 byabonetse hakiri kare mu mateka ya Premier League. Ibi bitego byatsinzwe hakiri kare cyane kuburyo bamwe mu bafana bari batarabona n’ibyicaro.

Urutonde rw’ibitego bitanu byatsinzwe hakiri kare:

5. Igitego Christian Eriksen yatsinze Manchester United muri 2018. Ubwo Christian Eriksen yakiniraga ikipe ya Tottenham Hotspurs yatsinze Manchester United igitego ku isagonda rya 10 n’ibyijana 54 umukino utangiye.

4. Igitego Alan Shearer yatsinze Manchester City muri 2003. Alan Shearer ubwo yakiniraga ikipe ya Newcastle United yatsinze igitego Manchester City ku isagonda rya 10 n’ibyijana 52.

3. Ku mwanya wa gatatu haza igitego Ledley King yatsinze Bradford muri 2000. Ledley yatsinze igitego ku isagonda rya 9.82 .

2. Ku mwanya wa kabiri haza igitego Philip Billing ukinira AFC Bournemouth yatsinze Arsenal. Ku itariki 04/03/2023 Philip Billing yatsinze igitego ku isagonda rya 9.11 .

Igitego Phillip Billing aheruka gutsinda Arsenal mu mwaka w’imikino ushize kiza ku mwanya wa kabiri mu bitego byahonetse kare.

1. Ku mwanya wa mbere haza igitego Shane Long yatsinze Watford. Ku itariki 24/04/2019 Shane Long wakiniraga Southampton yatsinze igitego ku isagonda rya 7. 69 .

Shane Long wisangije agahigo ko gutsinda igitego  kare mu mateka ya Premier League.

LEAVE A REPLY

Please enter your comment!
Please enter your name here

Popular Articles