Ikipe y’Africa ifite amateka yuko imaze kwitabira ibikombe by’Isi byose bimaze gukinwa uko ari 9 irasezerewe muri 1/8 iba ibuze itike iyerekeza muri 1/ 4
Ni Ikipe y’i gihugu ya Nigeria itsindiwe kuri penaliti n’u Bwongereza nyuma yuko umukino warangiye banganya ubusa ku busa.
Ikipe y’igihugu y’u Bwongereza yageze mu mikino ya 1/4 cy’irangiza mu gikombe cy’Isi cy’Abagore gikomeje kubera muri Australia na New Zealand itsinze Nigeria penaliti 4-2 nyuma y’uko iminota 120 yari yarangiye amakipe yombi anganya 0-0.
U Bwongereza bwiyunze kuri Espagne yamaze kugera mrui 1/4 ikazahura n’u Buholandi mu gihe u Buyapani buzahura na Sweden. U Bwongereza bugomba gutegereza ikipe iva hagati ya Australia na Denmark kuko umukino uri kuzihuza wamaze gutangira.
Lauren James (England) wahawe ikarita itukura ku munota wa 87 w’umukino azira gukandagira mugenzi we wa Nigeria.