Ikipe ya Manchester City yatembereje i Manchester ibikombe bitatu iherutse gutwara , mu karasisi kitabiriwe n’abarenga ibihumbi bitandatu.
Ikipe ya Manchester City , ku wa Gatandatu nibwo yegukanye Igikombe cya Champions League itsinze Inter Milan igitego kimwe ku busa. Gutsinda kwa Manchester City byatumye ihita yegukana ibikombe bitatu mu mwaka umwe w’imikino , Ni ukuvuga igikombe cya shampiyona, FA Cup na Champions League.
Ibi Manchester City yakoze ni amateka yari yarakozwe rimwe gusa mu 1999 akozwe na Manchester United ubwo yatozwaga na Sir Alex Ferguson.
Kuri uyu wa mbere , abakinnyi, abatoza , abayobozi ndetse n’abafana bayo bakoze akarasisi kazengurutse umujyi wa Manchester. Abakinnyi ba Manchester City bazengurukije ibikombe bitatu Bari bafite mu modoka nini babitembereza umujyi wa Manchester babyereka abafana ibihumbi bitandatu.
Umutoza Pep Guardiola wari witwaje itabi mu rugendo.
Abafana bakabaka ibihumbi bitandatu Bari mu mihanda y’i Manchester.
Abakinnyi bari mu byishimo byo kwegukana ibikombe bitatu mu mwaka umwe w’imikino.
Phil Foden yikoreye Igikombe cya Champions League.
