Imirimo yo kubaka ubwato buzakoreshwa mu kirwa cya Nkombo mu karere ka Rusizi igeze kure.
Biteganijwe ko ubwato buzakoreshwa ku Nkombo,imirimo yo kubwubaka ifite ingengo y’imari irenga miliyari 3 n’ibihumbi 300 (miliyoni 3 $), biteganijwe ko buzatangira gukora mu Kuboza uyu mwaka.
Ikinyamakuru The New Times dukesha e kiratangaza ko kubaka ubu bwato bigamije kuzamura iterambere ry’ubwikorezi mu kirwa cya Nkombo , nk’uko ikigo gishinzwe iterambere ry’ubwikorezi mu Rwanda kibitangaza. (RTDA).
Ikirwa cya Nkombo, gifite kilometero kare( Km²) 29.7 mu kiyaga cya Kivu, ni umwe mu mirenge 18 yo mu Karere ka Rusizi, uherereye mu Ntara y’Iburengerazuba bw’u Rwanda.
Ku ikubitiro byari biteganijwe ko bwari kurangira muri Mata 2019, nk’uko byavuzwe muri raporo y’Umugenzuzi Mukuru w’Imari ya Leta y’umwaka urangiye ku ya 30 Kamena 2022. Ubu bwato ubwato bwahuye n’ubukererwe bukabije.
Ku itariki 08 Gicurasi, Imena Munyampenda, Umuyobozi mukuru wa RTDA, yatangaje ko moteri y’ubwo bwato yari imaze koherezwa mu gihugu, kandi ko hari intambwe imaze guterwa.
Ubuyobozi bwa RTDA bwatangaje ko gutinda ahanini biterwa n’ingengo y’imari ariko bakemeza ko ikibazo cyakemutse.
Munyampenda yagize ati: “Dufite intego yo gukora ubu bwato bitarenze Ukuboza uyu mwaka.”
Dore bumwe mu bushobozi bw’ubwato:
Minisiteri y’Ibikorwa Remezo (MININFRA) ivuga ko ubwato bunini buteganijwe kwakira abagenzi 150, gutwara imodoka esheshatu, toni 10 z’imizigo, no kugenda ku muvuduko wa hafi kilometero 42,6 mu isaha( 42.6Km/h)
Ku rundi ruhande, ubwato buzaba bufite ubundi bwato , bufite imyanya 30 kandi bushobora gutwara toni eshatu z’imizigo.
Umuyobozi w’akarere ka Rusizi, Anicet Kibiriga, yagaragaje imbogamizi abaturage ba Nkombo bahura nazo kubera iki kirwa. Yagaragaje ko afite icyizere ko ubwo bwato buzagabanya izo ngorane kandi bukorohereza ubufatanye mu bukungu hagati ya Nkombo n’indi Mirenge nka Nkanka, Gihundwe, na Kamembe.
Kibiriga yashimangiye ko ubwo bwato buzanateza imbere ibikorwa by’imibereho no gusura inshuti mu nzego z’abaturanyi, mu gihe biteza imbere ubufatanye mu bukungu, ubucuruzi, n’iterambere muri rusange mu karere. Ubwato bushobora gukoreshwa mu tundi turere, nka Rusizi, Nyamasheke, Karongi, na Rubavu, birasuzumwa ariko bisaba ko hajyaho izindi nama n’inzego zibishinzwe.
Byongeye kandi, ubwato buzorohereza ubwikorezi bw’ibinyabiziga kuri icyo kirwa, bitezimbere ibikorwa remezo rusange byo gutwara abantu, kubera ko uburyo buke bwo gutwara abantu bwari bwarabujije imodoka kugera i Nkombo.
Ikirwa cya nkombo giherereye rwagati mu kiyaga cya Kivu.