Ikipe ya Rayon Sports yihanganishije Ndizeye Samuel (wari umukinnyi wayo), wapfushije umugore we.
Ku munsi wejo hashize , ku itariki 29 Kamena nibwo hasakaye inkuru y’incamugongo yavugaga ko Ndizeye Samuel wabaye umukinnyi wa Rayon Sports mu myaka ibiri ishize akaba yaranayibereye Visi-Kapiteni , yapfushije umugore we.
Amakuru avuga ko uyu mufasha wa Ndizeye Samuel yitwa Cishahayo Nadege (Nana), akaba yaritabye Imana ku itariki 28 Kamena 2023 mu bitaro byitiriwe umwami Khaled Kamenge.
Ikipe ya Rayon Sports ibinyujije ku mbuga nkoranyambaga zayo yacishijeho ubutumwa bwihanganisha Ndizeye Samuel wayikiniye akayibere Kapiteni ndetse bagatwarana n’igikombe nubwo amakuru avuga ko uyu musore yamaze gusinyira ikipe ya Police FC.
Rayon Sports yagize iti” Twe Gikundiro turatekereza ku wawe wabuze, natwe byakomerekeje Imitima yacu. Uri mu masengesho yacu , Kapiteni wacu wakera !!”
“Umuryango wa Rayon Sports wifatanyije mu kababaro na Samuel NDIZEYE wabuze umufasha we!!!”. isoza imusaba kwihangana.
Itangazo ryabikaga urupfu rwa Cishahayo Nadege , umufasha wa Ndizeye Samuel.