Ubudage: Perezida yaburiye abahatuye kwirinda amacakubiri.

Perezida w’Ubudage, Frank-Walter Steinmeier, yaburiye ko igihugu gikeneye kwirinda amacakubiri ya politiki ndetse n’ikwirakwizwa ry’amakuru y’ibinyoma, avuga ko bishobora guhungabanya demokarasi n’ubumwe bw’Abadage. Ibi Steinmeier yabivugiye mu ijambo ryo kwizihiza isabukuru y’ubumwe bw’Ubudage, wizihizwa buri mwaka ku wa 3 Ukwakira. Yagarutse ku bibazo by’amacakubiri ya politiki, imvugo z’abanyapolitiki zikabije ndetse n’amakuru akwirakwizwa kuri internet agamije kuyobya abantu. Steinmeier yavuze ko hari ibikorwa by’imbaraga z’abarwanya demokarasi bishobora gutuma abaturage batakaza icyizer

Perezida w’Ubudage, Frank-Walter Steinmeier, yaburiye ko igihugu gikeneye kwirinda amacakubiri ya politiki ndetse n’ikwirakwizwa ry’amakuru y’ibinyoma, avuga ko bishobora guhungabanya demokarasi n’ubumwe bw’Abadage. Ibi Steinmeier yabivugiye mu ijambo ryo kwizihiza isabukuru y’ubumwe bw’Ubudage, wizihizwa buri mwaka ku wa 3 Ukwakira. Yagarutse ku bibazo by’amacakubiri ya politiki, imvugo z’abanyapolitiki zikabije ndetse n’amakuru akwirakwizwa kuri internet agamije kuyobya abantu. Steinmeier yavuze ko hari ibikorwa by’imbaraga z’abarwanya demokarasi bishobora gutuma abaturage batakaza icyizere muri politiki. Yanasabye ko Ubudage bugira imiyoborere ihamye, itekerejweho kandi ikorera ku mahame ya demokarasi. Ibyo yabivuze nyuma y’amatora yo mu ntara zo mu burasirazuba bw’Ubudage yabaye mu kwezi gushize, aho amashyaka atandukanye yagize impinduka zikomeye mu majwi, ibintu byongeye kuzamura impaka ku cyerekezo cya politiki y’igihugu. Perezida Steinmeier yagereranyije uko politiki ihagaze muri iki gihe n’amacakubiri yaranze Weimar Republic mbere y’Intambara ya Kabiri y’Isi, ariko ntiyavuze ko amateka ari gusubiramo byanze bikunze. Yashimangiye ko hakenewe ubuyobozi bwitondewe kugira ngo igihugu gikomeze kubungabunga demokarasi n’ubumwe bwacyo. Ubutumwa bwa Steinmeier busanze Ubudage mu gihe igihugu gihanganye n’amacakubiri ya politiki, impungenge ku bukungu ndetse n’ikibazo cy’amakuru y’ibinyoma kuri internet. Perezida yasabye ko demokarasi n’ubumwe bw’igihugu birindwa mu buryo bwihariye.