Komite Ishinzwe kurengera Abanyamakuru ku Isi, CPJ, yatangaje ko Abanyamakuru batatu bamaze gupfira mu mirwano ihanganishije igisirakare cya Israel n’ingabo z’umutwe wa Hamas wo muri Palestine.
Iminsi ibaye ine Israel iri mu mirwano n’abarwanyi b’umutwe wa Hamas nyuma y’ukp binjiye muri Israel bakica abaturage abandi bakabashimuta.
Ni imirwano imaze kugwamo abantu bagera 1500 ku mpande zombi mu gihe abandi ibihumbi bakomeretse.
Komite Ishinzwe kurengera no kurinda Abanyamakuru ku Isi yatangaje ko iyi mirwano imaze kugwamo Abanyamakuru batatu, umwe arakomereka mu gihe babiri baburiwe irengero.
Itangazo rya CPJ rivuga ko igitero cyagabwe ejo aricyo cyahitanye abao banyamakuru. bari gutara inkuru barikumwe n’abafasha gufata amafoto, si abo gusa kuko hari n’undi wahakomereye mu gihe abandi banyamakuru babiri baburiwe irengero bose bakaba ari Abanya _Palestine.
Imirwano ihanganishije igisirakare cya Israel n’ingabo z’umutwe wa Hamas ikomeje guhitana abantu barimo n’Abanyamakuru bari mu kazi.