Friday, May 24, 2024

Top 5 This Week

Related Posts

APR FC yamenye amakipe izahura nayo mu nzira igana mu matsinda ya CAF Champions League

Spread the love

Ikipe ya APR FC isanzwe ikina shampiyona y’ikiciro cya mbere mu Rwanda yisanze igomba gukina na Gaadiidka FC yo mu Misiri mu ijojonjora rya mbere ry’imikino ya CAF Champions League.

Kuri uyu wa Kabiri tariki 25 Nyakanga 2023, mu Misiri ku kicaro gikuru cy’Impuzamashyirahamwe y’Umupira w’amaguru muri Afurika, CAF, habereye umuhango wo gutombora uko amakipe azacakirana mu marushanwa Nyafurika ariyo CAF Champions League na CAF Confenderation Cup.

Muri uyu muhango APR FC isanzwe ikina shampiyona y’ikiciro cya mbere mu Rwanda , ikaba yaranatwaye Igikombe cya shampiyona umwaka w’imikino 2022-2023, yaje gutombora ikipe ya Gaadiidka FC, isanzwe ikina shampiyona y’ikiciro cya mbere muri Somalia, bakaba ariyo bazahura mu ijonjora ry’ibanze (Preliminary Round).

APR FC iramutse irenze ijonjora rya mbere, mu ijonjora rya kabiri izakina na Pyramids FC yo mu Misiri.

Pyramids FC yari yabaye iya kabiri mu mwaka w’imikino ushize mu kiciro cya mbere mu Misiri.

Imikino ibanza y’ijonjora rya mbere izakinwa hagati ya tariki 19-21 Kanama, mu gihe iyo kwishyura izakinwa 25-26 muri Kanama uyu mwaka.

APR FC yatwaye igikombe cya shampiyona giheruka.

Ikipe ya Pyramids FC ishobora kuzakina na APR FC mu ijonjora rya kabiri.

LEAVE A REPLY

Please enter your comment!
Please enter your name here

Popular Articles