Bayern Munich yabyaje umusaruro intege nke za Borussia Dortmund ku mukino wa nyuma, yegukana igikombe cya Shampiyona ku nshuro ya 11 yikurikiranya nyuma yo gutsinda FC Koln ibitego 2-1 kuri uyu wa Gatandatu tariki ya 27 Gicurasi 2023.
Kingsley Coman yafashije Bayern Munich gufungura amazamu ku munota 8 gusa, mbere gato y’uko Dejan Llubicic yishyurira FC Koln ku munota wa 80.
Iminota 4 gusa nyuma y’uko Jamal Musiala w’imyaka 20 gusa asimbura Umunya-Maroc Noussair Mazraoui, yafashije Bayern Munich kwegukana igikombe ku gitego yatsinze ku munota wa 89.
Borussia Dortmund yasabwaga gutsinda uno mukino, ntiyahiriwe imbere ya Mainz 05. Mu minota 25 ya mbere y’umukino Mainz yari yaboneye ibitego bibiri, Andreas Hanche-Olsen na Karim Onisiwo watsinze igitego ku munota wa 24, mbere gato y’uko Sebastian Haller ananiwe kwishyurira Dortmund igitego kuri penaliti yahushije ku munota wa 19.
Raphael Guerreiro na Niklas Suele bishyuriye Dortmund ibitego bitagize icyo biyimarira kuko n’ubundi Bayern Munich na Thomas Tuchel uyitoza bayirushaga amanota 2.
Bayern Munich itwaye igikombe cya Shampiyona ku nshuro ya 11 yikurikiranya maze Borussia Dortmund inanirwa gukuraho igisuzuguriro cyo kumara imyaka 10 nta gikombe.
Borussia Dortmund yariye inka inanirwa umurizo
Abafana bari babukereye
Bayern Munich yegukanye igikombe cya 11 cyikurikiranya
Jamal Musiala yatsinze igitego cyafashije Bayern kwegukana igikombe
