Mu mpera z’icyumweru gishize, ku mugabane w’Iburayi habaga ibintu bitandukanye mu mikino . Harimo kuzamura ibikombe ku makipe yabyegukanye, gusezera kw’abakinnyi mu makipe yabo ndetse n’ibindi.
Muri iyi nkuru, Hobe Australia tugiye kugugezaho, ibintu 10 byaranze imikino I Burayi.
1. Barcelona yahawe ku mugaragaro igikombe cya LaLiga yatwaye. Imbere y’ abafana bao mu rugo kuri sitade Camp Nou ,nubwo yatsinzwe na Real Sociedad 1-2. Barcelona ihabwa igikombe ndetse inasezera ku mugaragaro Sergio Busquets.
2. Mu Bwongereza, ikipe ya Nottingham Forest yatsinze Arsenal igitego kimwe ku busa. Bituma Manchester City ihita itwara igikombe.
3. Bayern Munich yishyize mu mazi abira mu rugamba rwo guhatanira igikombe nyuma yo gutsindwa na RB Leipzig ibitego 3-1. Ibi bituma uzatwara Bundesliga azamenyekana ku munsi wa nyuma.
4. Liverpool yasezeraga abakinnyi bayo barimo Roberto Firmino, Naby Keita na James Milner, barangije urugendo rwabo. Roberto Firmino yatsinze n’igitego ku munota wa 89.
5. Olivier Giroud yatsindaga ibitego bitatu, afasha AC Milan gukomeza kwitwara neza mu rugamba rwo guhatanira itike ya Champions League.
6. Atlético de Madrid yazamutse ku mwanya wa kabiri muri LaLiga nyuma yo gutsinda Osasuna ibitego 3-0.
7. Sebastien Haller yafashije Borrusia Dortmund gutsinda Augsburg ibitego 3-0 , byatumye iza ku mwanya wa mbere mu Budage.
8. Julian Álvarez yafashije Manchester City gutsinda igitego kimwe , itsinda Chelsea. Bituma Man City yishimira gutwara Premier League ya gatatu hamwe n’ abakunzi babo kur Etihad Stadium.
9. Mbappé yatsindaga ibitego bibiri bye byihuse mu mateka ya Ligue 1. Mbappé yatsinze igitego ku munota wa 6 n’uwa 8. PSG irasabwa inota rimwe mu mukino ibiri isigaye ngo itware Ligue 1.
10. Mu Bwongereza, Ikipe ya Brighton yabonye itike yo kuzakina imikino yo ku mugabane w’i Burayi, bwa mbere mu mateka yayo nyuma yo gutsinda Southampton ibitego 3-1.
Manchester City yazamuye igikombe cya 3 kikurikiranya
Sergio Busquets yateruye igikombe cya nyuma
Umunya-Nigeria Awoniyi ni we wakoze kuri Arsenal
Roberto Firmino Barbossa yasezeye gitwari atsinda igitego