Minisiteri w’Intebe wa Canada, Bwana Justin Trudeau yatangaje ko we n’umugore we h Sophie Gregoire Trudeau, bemeranyijwe gutandukana nyuma y’imyaka 18 babana nk’umugore n’umugabo.
Kuri uyu wa Gatatu tariki 02 Kanama 2023, Minisitiri w’Intebe wa Canada anyuze ku mbuga nkoranyambaga ze yatangaje ko nyuma y’ikiganiro kigoye yagiranye n’umugore we Sophie Gregoire bemeranyijwe ko batazongera kubana nk’umugore n’umugabo.
Amakuru dukesha CNN na New York Times aravuga ko itangazo ryaturutse mu Biro bya Minisitiri w’Intebe ryatangaje ko aba bombi bamaze gusinya ku mpapuro za gatanya, nyuma y’imyaka 18 bari bamaze babana kuko basezeranye muri 2005, babyarana abana batatu barimo Xavier w’imyaka 15, Ella-Grace w’imyaka 14 y’amavuko na Hadrien w’imyaka 9 y’amavuko.
Mu itangazo Kandi bavuga ko bombi bazakomeza gufashanya mu kurera abana babo babaha uburere bukwiye burimo urukundo ndetse ko umuryango wabo witegura gutangira ibiruhuko mu Cyumweru gitaha.
Justin Trudeau abaye Minisitiri w’Intebe wa kabiri muri Canada utandukanye n’umugore we akiri mu nshingano nka Minisitiri, nyuma y’uko se umubyara, Pierre Trudeau nawe mu 1979 yatandukanye n’umugore we Margaret, gatanya yabo ikemezwa mu 1984.
Justin Trudeau yatangaje ko yamaze gutandukana n’umugore we Sophie Gregoire nyuma y’imyaka 18 babana.