Real Madrid yegukanye gikombe cya Copa del Rey ku nshuro ya 20 nyuma yo gutsinda Osasuna ibitego 2-1 mu mukino waberaga kuri ku kibuga Estadio de La Cartuja, kuri uyu wa Gatandatu tariki ya 6 Gicurasi 2023.
Real Madrid yageze kuri ubi nyuma yo kwitwara neza k’Umunya-Brazil Rodrygo Goes watsinze ibitego 2 muri uriya mukino.
Ikipe ya Real Madrid yabonye igitego yinjiye mu mukino kare kuko ku munota wa 2 gusa Rodrygo yari amaze gufungura amazamu ku mupira yari ahawe na Vinicius Junior.
Osasuna yashakaga igikombe gikuru ku nshuro ya mbere nyuma y’imyaka 103 yagaruye icyizere ubwo yishyuraga igitego ku munota wa 58 gitsinzwe na Lucas Torro.
Ibintu byongeye guhinduka ku munota wa 70 Rodrigo Goes yatsindiraga Real Madrid igitego cya kabiri cyanayihesheje kuko umusifuzi Jose Sanchez yarinze avuza ifirimbi ya nyuma bikiri 2-1.
Iki gikombe cya Copa del Rey Real Madrid itwaye, cyari icya 20 mu mateka, igikombe yaherukaga muri 2014.
Rodrygo yatsinze ibitego 2 muri uriya mukino
Lucas Torró ni we wishyuriye Osasuna
Real Madrid yishimira igikombe