Tuesday, June 25, 2024

Top 5 This Week

Related Posts

Somalia: Abantu 6 bapfuye abandi 10 barakomereka mu gitero cyagabwe kuri Hoteli

Spread the love

Abantu batandatu bamaze gutangazwa ko bitabye Imana , abandi 10 barakomereka mu gitero abarwanyi ba Al-Shabab bagabye kuri hoteli ihereye i Mogadishu, mu murwa mukuru wa Somalia , nk’uko Polisi yabitangaje kuri uyu wa Gatandatu.

Ikinyamakuru Al Jazeera dukesha inkuru kiratangaza ko iki gitero cyagabwe kuwa Gatanu Ni mugoroba muri resitora izwi kw’izina rya Pearl mu gace ka Lido.

Itangazo rya Polisi ya Somalia rivuga ko abashinzwe umutekano batatu bishwe ubwo barasanaga n’abarwanyi, mu gihe abarwanyi 7 ba Al-Shabab ifitanye isano na Al-Qaeda bishwe.

Ibiro ntaramakuru by’igihugu cya Somalia (SONNA) kuri Twitter byatangaje ko Inzego z’umutekano zabashije guhangana na Al-Shabab zikarokora abaturage benshi bari bagotewe muri Pearl Hoteli. “

Umutwe wa Al-Shabab watangaje ko ari wo nyirabayazana w’icyo gitero.

Lido Beach ni kamwe mu duce dukunzwe cyane muri Mogadishu hakaba hasurwa cyane mu mpera z’icyumweru , abantu baje kuhagura ikawa ndetse no kuharuhukira.

Iki gitero kibaye nyuma y’iminsi mike abarwanyi ba al-Shabab bishe abasirikare 54 ba Uganda bari mu butumwa bw’amahoro bw’Umuryango wa Afurika muri Somalia.

Pearl Hotel yabagweho igitero na Al-Shabab

LEAVE A REPLY

Please enter your comment!
Please enter your name here

Popular Articles