Abikorera bo mu Rwanda bitabiriye imurikagurisha rizwi nka ‘China—Africa Economic and Trade Expo’ rihuza ibihugu bya Afurika n’u Bushinwa riri kubera mu Ntara ya Hunan mu Mujyi wa Changsha mu Bushinwa.
Kuva kuri uyu wa Kane tariki ya 29 Kamena 2023 , Mu Bushinwa mu Ntara ya Hunan mu Mujyi wa Changsha, hatangiriye imurikagurisha rihuza ibihugu bya Afurika n’u Bushinwa rizwi nka ‘China—Africa Economic and Trade Expo’ riri kuba ku nshuro ya Gatatu.
Iri murikagurisha ry’uyu mwaka ryitabiriwe n’abamurika baturuka mu bihugu 53 byo muri Afurika ndetse n’abamurika barenga 1500, inyongera ya 70% ugereranyije n’imyaka ibiri ishize.
Mu bitabiriye harimo n’abanyarwanda baserukanye ibicuruzwa bitandukanye birimo icyayi, ikawa, uduseke n’ibindi bikorerwa mu gihugu.
Ubushinwa bwabaye umufatanyabikorwa ukomeye wa Afurika mu myaka 14 ishize , kuko imibare yerekana ko ubucuruzi bw’ibihugu byombi hagati y’Ubushinwa na Afurika bwageze kuri miliyari 282 z’amadolari mu 2022.
Ni imurikagurisha rihuza abaturuga muri Afurika n’u Bushinwa.
Ku nshuro ya 3 ryitabiriwe n’abamurika barenga 1500.
Abacuruzi bo mu Rwanda nabo baritabiriye aho bamurika ibicuruzwa bitandukanye.